सैपाल गाउँपालिका-५ स्थित गुदी पाल बनबाट भरुवा बन्दुक १ थान र खुकुरी १ थान प्रहरीले बुधबार बरामद गरेको छ । उक्त क्षेत्रभित्र सुर्मा गाउँपालिका–२ गजौन बस्ने हिक्मत बोहरा र पुष्कर बोहराले अबैध भरुवा बन्दुक बोकी घुमिरहेको भन्ने खबर प्राप्त हुनासाथ सीमा प्रहरी चौकी धुलीबाट खटिएको प्रहरीले उनीहरु बसेको त्रिपालबाट उक्त भरुवा बन्दुक र खुकुरी बरामद गरेको हो । फरार हिक्मत र पुष्करको प्रहरीले खोजी गरिरहेको छ । घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ ।