बिष्णुमती नदीमा एक नाबालकको शव बेबारिसे अवस्थामा फेला परेको छ । नयाँबजारस्थित चौमती पुल नजिकै नदीको किनारामा नाबालकको शव बेवारिसे अवस्थामा फेला परेको हो । केही दिनअघि मात्र बच्चा पाएर फालेको हुनसक्ने स्थानीयले जनाएका छन् । स्थानीयले देख्नासाथ प्रहरीलाई जानकारी गराइएको छ । घटनास्थलमा महानगरीय प्रहरी वृत सोह्रखुट्टेको टोली पुगेको छ । बेवारिसे अवस्थामा भेटिएको नाबालकको शवबारे प्रहरीले अनुसन्धान थालेको छ ।