बिजय नगरपालिका-१ हनुमाननगर बस्ने ५५ बर्षीय महादेब थारुको कुटपिटबाट सोमबार मृत्यु भएको छ । आफ्नो बगैचामा आँप कुर्न बसिरहेका महादेबलाई आँप चोर्न आएका अपरिचित ब्यक्तिहरुले कुटपिट गरी घाइते बनाएकाले उपचारको लागि स्थानिय गुगौली मेडिकलतर्फ लैजाने क्रममा बाटोमै मृत्यु भएको हो । कुटपिटमा संलग्न शंकास्पद ८ जनालाई प्रहरीले नियन्त्रणमा लिएको छ । घटनाका सम्बन्धमा स्थानीय प्रहरीबाट आवश्यक अनुसन्धान भइरहेको छ ।