Nati Babu Dhital
गोल्चे गाविस-५ का ४० वर्षीय चिरकन भनिने निमा छिरिङ लामालाई मानव बेचविखनको आरोपमा भदौ २८ गते प्रहरीले गिरफ्तार गरेको छ ।
आरोपित लामाले सोही ठाँउकी २० वर्षीया एक महिलालाई ०६५ चैत ९ गते फकाएर जागिर लगाईदिने भनेर बिक्री गरेको आरोपमा पक्राउ गरिएको हो । पीडितको अवस्था हालसम्म अज्ञात छ ।
आफ्नो छोरीलाई फकाएर बिक्री गरेको भन्दै पीडितकी आमाले ०७० भदौ २४ गते जिल्ला प्रहरी कार्यालयमा मानव बेचविखन आरोपमा उजुरी गरेकी थिइन् ।
पीडित पक्षको जाहेरीले जिल्ला प्रहरी कार्यालयल चौताराले ०७० भदौ २५ गते मानव बेचविखन तथा ओसार पसार विरुद्ध १० नम्बरमा मुद्दा दर्ता गरेको थियो ।
गिरफ्तार परेका आरोपित लामालाई हाल जिल्ला प्रहरी कार्यालयले अनुसन्धानको लागी हिरासतमा राखेको छ भने अर्का आरोपित फरार रहेको प्रहरीले जनाएको छ ।
नातीबावु धिताल