इलाका प्रहरी कार्यालय भगवानपुरको टोलीले नरैनापुर गाउँपालिका वडा नंबर-४ घोडदौरिया बाट एक अपहरणकारीलाई पक्राउ गरेको छ । प्रहरीले नरैनापुर गाउँपालिका-५ बस्ने केशब गोडियालाई अपहरण गरेर फिरौती मागेको आरोपमा नरैनापुर-४ का आरिफ खाँलाई पक्राउ गरेको हो । गोडियालाई नेपालगन्जबाट अपहरण गर्न भारतीय अभियुक्तहरुको साथमा गाडीमा आएको भनी सूचना पाएपछि खाँलाई पक्राउ गरिएको प्रहरीले जनाएको छ । यसघि गोडियाले विदेश जानी भनेर घोडदौरियाका नानु गुल्जरलाई ९० हजार रुपैयाँ बुझाएका थिए । तर लामो समयसम्म पनि विदेश नापठाएको भन्दै गोडियाले गुल्जररको मोटरसाइकल नियन्त्रणमा लिएपछि उनि अपहरणमा परेका थिए ।