सिमा पुल तरेर भारतबाट आउंदै गर्दा एक नेपाली भारतीय सिमा सुरक्षा बल (एसएसबी) बाट कुटिएका छन् । दार्चुलाको सदरमुकाम खलंगाको नेपाल भारत जोड्ने पुलबाट फर्कंदै गरेका महाकाली नगरपालिका-१, छापरीका ५२ बर्षीय नन्दराम लुहारलाई एसएसबीले कुटेको हो । कुटाईबाट उनको आखाँमा चोट लागेको छ । उता एसएसबीले लोहारले मदिरा सेवन गरेर अभद्र शैली देखाएकाले कुटपिट गरेको बताएको जिप्रका दार्चुलाले जनाएको छ । घटनाबार भारतीय प्रहरी अधिकारीसँग सोधपुछ गरि छानबिन गरिने प्रहरीले जनाएको छ ।