मेचीनगर-५ स्थित बालकल्याण माविका एक शिक्षकले आफ्नै विद्यालयकी छात्रामाथि दुर्व्यवहार गरेपछि विद्यालयले शिक्षकलाई तत्काल निलम्बन गरेको छ । सो विद्यालयका शिक्षक देबु बानियाँले कक्षा ८ मा अध्ययनरत एक छात्रालाई दुर्व्यवहार गरेको भन्दै अभिभावकका तर्फबाट शिक्षक बनियाँविरुद्ध विद्यालयमा उजुरी परेपछि शिक्षक बानियाँलाई तत्काल हाजिर नगराउने निर्णय गरिएको विद्यालय व्यवस्थापन समितिले जनाएको छ ।आफ्नी छोरीलाई दुर्व्यवहार गरेको भन्दै छात्राका बुबाले शिक्षक बानियाँविरुद्ध असार १४ गते उजुरी गरेका थिए । शिक्षक बानियाँले भने आफूबाट केहि कमजोरी भए पनि आरोप लगाइए जस्तो दुर्व्यवहार भने नगरेको बताए ।बानियाँले आफुले कक्षामा छात्रालाई गालि गरेको र त्यही कुरालाई लिएर आफूविरुद्ध उजुरी परेको दावी गरे ।अभिभावकको उजुरी अनुसार शिक्षकलाई कानुनी कारवाहीका लागि प्रक्रिया अगाडी बढाइएको डिएसपी भात्तरैले जानकारी दिए ।