१४ वर्षीया बालिकालाई बलात्कार गरेको आरोपमा प्यूठान नपा-१ का २३ वर्षीय किरण आचार्यलाई प्रहरीले साउन ६ गते घरबाट गिरफ्तार गरेको छ । पीडित बालिकालाई आरोपितले साउन ६ गते बलात्कार गरेको भन्दै पीडित पक्षले सोही दिन इलाका प्रहरी कार्यालय बिजुवारमा उजुरी दिएका थिए । पीडित पक्षको उजुरीपछि आरोपितलाई गिरफ्तार गरी घटनाको अनुसन्धानका लागि जिल्ला प्रहरी कार्यालयको हिरासत कक्षमा राखिएको इलाका प्रहरी कार्यालय बिजुवारका इन्स्पेक्टर हरिहर खड्काले बताए । पीडितको स्वास्थ्य परीक्षण जिल्ला अस्पताल बिजुवारमा साउन ६ गते गरिएको इन्स्पेक्टर खड्काले जानकारी दिए ।