DM Chamling
दिक्तेल गाविस-५ की ३५ वर्षीय सन्तोषी राईले शारीरिक तथा मानसिक यातना दिने पति ४७ वर्षीय उदयविक्रम राईलाई कानुनी कारबाहीको माग गर्दै असोज १८ गते जिल्ला प्रहरी कार्यालय दिक्तेलमा उजुरी दिएकी छन् । ०५८ सालमा आफूहरूको सामाजिक परम्परा अनुसार विवाह भएको भए पतिले बारम्बार आफूलाई मानसिक यातना दिदै कुटपिट गर्ने गरेको पीडितको उजुरीमा उल्लेख छ । उनीहरुको १२ वर्षो छोरा छ ।
पतिले आफूलाई यातना र कुटपिट गर्नुको कारणबारे आफूलाई केही थाहा नभएको र पछिल्लो समय असोज १७ गते कुटपिट गरी शारीरिक यातना दिएको पीडितले बताईन् । जिल्ला प्रहरी कार्यालय दिक्तेल मुद्दा शाखाका सही यादव गौतमले पीडितको उजुरीको आधारमा आरोपितलाई झिकाई दुवैपक्षबीच छलफल गराईने बताए ।
डिएम चाम्लिङ राई