११ वर्षीया बालिकालाई बलात्कार गरेको आरोपमा प्रहरीले घोराही उमनपा–९ का ३७ वर्षीय तेजबहादुर बस्नेतलाई साउन ११ गते गिरफ्तार गरेको छ । सुस्तमनस्थितिकी बालिकालाई घरमा कोही नभएको अवस्थामा आरोपितले साउन १० गते बलात्कार गरेको भन्दै पीडित पक्षले सोही दिन जिल्ला प्रहरी कार्यालयमा उजुरी दिएको थियो । पीडित बालिकाको स्वास्थ्य परीक्षण र उपचार राप्ती उपक्षेत्रीय अस्पतालमा साउन १० गते गरिएको छ । आरोपितविरूद्ध जबरजस्तीकरणीसम्बन्धी मुद्दा चलाइने जिल्ला प्रहरी कार्यालयका एसपी दुर्गा सिंहले जानकारी दिइन ।