धनुषामा पंचायतकै क्रममा एक महिलामाथि निर्घात कुटपिट भएको छ । धनुषाको कमला नगरपालिका-६ सिंघियाही मडारकी ४० बर्षीय मिनादेवी मण्डल पंचायतमै निर्घात कुटिएकी हुन् । कुटपिटबाट गम्भीर घाइते मिनादेवीको जनकपुर अंचल अस्पतालमा उपचार भईरहेको प्रहरीले जनाएको छ । उनको सरिरका बिभिन्न भागमा चोट देखिएको छ । मिनादेबीले घाँस काटेर फर्कंदै गरेकी आफ्नी छोरीलाई जिस्काएको भन्दै स्थानीय युवक डोमा मण्डललाई कारबाहीको माग गर्दै पंचायत बोलाएकी थिइन् । तर अर्को दिन आफ्ना पंचहरु नआउंदै आफुँमाथी पीडक पक्षका व्यक्तिहरु द्वारा लाठी र मुक्किले कुटपिट भएको पिडित मिनादेविले बताइन । घटनाको बारेमा पिडित पक्षले स्थानीय सखुवा प्रहरी चौकीमा उजुरी दिएका थिए । घटनापछि सखुवा प्रहरी चौकीले पकुटपिटमा संलग्न ५ जनालाई नियन्त्रणमा लिएको छ ।