महिलालाई जवरजस्ती करणी गरेको अभियोगमा टिकापुर नगरपालिका-१ बस्ने ३६ वर्षीय तिर्थराज तिवारीलाई प्रहरीले पक्राउ गरेको छ । तिवारीले साउन ११ गते घोडाघोडी नगरपालिका-२ घर भई हाल टिकापुर नगरपालिका-२ मा बस्दै गरेकी ३४ वर्षीया महिलालाई जोतिष हेर्ने बहाना बनाई जवरजस्ती करणी गरेको बताइएको छ । सोही दिनदेखि भागी फरार भएका तिवारीलाई प्रहरीले उनकै घरमा बसिरहेको अबस्थामा मंगलबार फेला पारी पक्राउ गरेको हो । यस सम्बन्धमा स्थानीय प्रहरीले आवश्यक अनुसन्धान गरिरहेको छ ।