दिव्यनगरस्थित बृहस्पति ह्याचरीमा कार्यरत विकास तामाङले इलाका प्रहरी कार्यालयमा शनिबार नियन्त्रणमा लिई हिरासतमा आफूमाथि कुटपिट भएको बताएका छन् । तामाङले बिनाकारण आफुलाई हिरासतमा राखिएको र कुटपिट गरिएको बताएका छन् ।तामाङसंगै रहेका अर्का मनोज तामाङलाई पनि कुटपिट गरिएको उनले बताएका छन् ।ह्याचरीका लागि चल्ला लिन सडकमा गाडी कुरेर बसिरहेको समयमा प्रहरीले जबर्जस्ति लागेको तामाङको गुनासो छ ।उनीहरुसंगै अन्य चार जनालाई नियन्त्रणमा लिइएको भएपनि सोहि दिन दुई जनालाई छोडिएको र उनीहरुलाई हिरासतमा राखेर प्रहारीले कुटपिट गरेको तामाङको भनाइ छ ।भरतपुर-२९, कुसुमटार घर भएका तामाङ अहिले प्रहरीको कुटाइका कारण हात चलाउन नसक्ने भएका छन् ।शरीरमा निलडाम छ भने पैताला र छातीमा गहिरो चोट लागेको उनि बताउछन् ।उनका अनुसार प्रहरी सहायक निरीक्षक कैलाश श्रेष्टले उनलाई लागुऔषधको पोको देखाएर बरामद भएको स्वीकार गर्न लगाएको र कुटपिट गरेका थिए ।