२१ वर्षीया युवतीलाई बलात्कार प्रयास गरेको आरोपमा प्रहरीले ५५ वर्षीय ससुरालाई साउन २२ गते गिरफ्तार गरेको छ । पीडित युवतीलाई आरोपितले साउन २१ गते बलात्कार प्रयास गरेको आरोपमा पीडितले प्रहरीमा उजुरी दिएपछि आरोपितलाई अनुसन्धानका लागि गिरफ्तार गरिएको जिल्ला प्रहरी कार्यालयका डिएसपी नारायणप्रसाद चिमोरियाले बताए । दुई वर्षअघि विवाह गरेर पति विदेश गएपछि घरमा ससुराले पटकपटक यौन दुर्व्यवहार गर्ने गरेको पीडितले आरोप लगाएकी छन् । घटनापछि साउन २१ गते पीडितले जबरजस्ती करणी उद्योगमा उजुरी दिएको जिल्ला प्रहरी कार्यालय महिला तथा बालबालिका शाखाकी सई बिनु बस्नेतले बताइन् । पीडित युवतीको स्वास्थ्य परीक्षण साउन २१ गते जिल्ला अस्पताल इनरूवामा गरिएको छ ।