कोहलपुरको शिवशक्ति सामुदायिक बनमा च्याउ खोज्न गएकी १४ बर्षीय एक बालिकालाई बलात्कार गर्न खोज्ने एक युवकलाई प्रहरीले पक्राउ गरेको छ । बालिकालाई बलात्कार प्रयास गरेको आरोपमा इलाका प्रहरी कार्यालय कोहलपुरले २१ बर्षका रबि थारुलाई पक्राउ गरेको छ । च्याउ खोज्न जंगलमा गएका दुई बालिका मध्ये एक बालिकालाई थारुले बलात्कार प्रयास गरेपछि अर्की बालिका भागेकी थिईन । लगत्तै बलात्कार प्रयास गरिएकी अर्की बालिकापनि थारुको हातमा टोकेर भाग्न सफल भएकी थिइन् । पक्राउ परेका युवकलाई जबर्जस्ती करणी उधोगमा कारवाही प्रक्रिया अगाडी बढाइएको इप्रका कोहलपुरले जनाएको छ ।