लमजुङको राइनस नगरपालिका -५ मा सुतली बम फेला परेको छ । राइनस नगरपालिका -५ को सिम्ले र कैनिटार दुई स्थानमा उक्त बम फेला परेको हो । बिहानै शंकास्पद वस्तु देखेपछि स्थानीयले प्रहरीलाई खबर गरेको लमजुङका प्रहरी नायव उपरीक्षक यादव ढकालले बताए । घटनास्थलमा तत्कालै इलाका प्रहरी कार्यालय भोटेवडार र तिनपिप्ले प्रहरी चौकीका टोली खटिएका छन् । साथै जिल्ला प्रहरी कार्यालय लमजुङका प्रहरी निरीक्षक राजेन्द्र अधिकारीको टोली समेत उक्त ठाउँमा पुगेको स्थानीयले बताए ।