रत्ननगर नगरपालिकाले गरेको कर वृद्धिको विरोधमा यहाँका सात राजनैतिक दलहरुले नगरपालिका परिसरमा आइतबारदेखि रिले अनशन सुरु गरेका छन् ।तीन दिनसम्म चरणबद्ध आन्दोलन गर्दा पनि नगरपालिकाले कर समायोजन गर्न चासो नदेखाएपछी दलहरुले थप दबाब दिन रिले अनशन सुरु गरेका हुन् । नेपाली कांग्रेस, राष्ट्रिय जनमोर्चा, राष्ट्रिय प्रजातन्त्र पार्टी,राष्ट्रिय प्रजातन्त्र पार्टी (प्रजातान्त्रिक),नेकपा माले,देशभक्त जनतान्त्रिक मोर्चाले संघर्ष समिति बनाएर आन्दोलनमा उत्रिएका हुन् ।विभिन्न विरोधका कार्यक्रम गर्दा पनि नगरपालिकाले बढेको कर फिर्ता नलिएको कारण थप दबाब स्वरूप रिले अनशन सुरु गरिएको कांग्रेसले बताएको छ ।