नेपालगन्जका एक व्यक्तिले आफ्नै श्रीमतीको हत्या गरेर प्रहरीसमक्ष आत्मसमर्पण गरेका छन् । नेपालगन्ज वडा नम्बर-२३ जंगलीसिंहपुरुवाका २५ बर्षे शेर मोहम्मद शेषले श्रीमतीलाई नेपाल भारत सीमाको अब्दुल्लाहगंज जंगलमा जंगलमा हत्या गरेर फालेका हुन् । बन्धकी राखेको सुन निकाल्न गएका शेषले बाटोमै श्रीमतीसँग झगडा पर्दा आफुँले घांटीमा प्रहार गरेको र उक्त क्रममा बेहोश भएपछि आफुन्ले घांटी थिचेर हत्या गरेको शेषले प्रहरीको बयानमा बताएका छन् । प्रहरीले अनुसन्धानको लागि शेषलाई नियन्त्रणमा लिएका छन् भने सबको मुचुल्का उठाउने काम भईरहेको प्रहरीले जनाएको छ ।