सिरहाको मिर्चैया बजारमा ग्यांगफाइट हुदा एकजना घाइते भएका छन्। मिर्चैयाको कटारी चोकदेखि पूर्व सगरमाथा स्कूल अगाडी करीब १२:३० बजे दुई पक्षबीच भएको झडपमा परी एकजना घाइते भएका हुन्। सिरहाको कल्याणपुर-८ अरंग निवासी २९ बर्षीय प्रभाश सिंहले प्रहार गरेको हेल्मेटबाट मिर्चैया कुथनमा बस्ने ३२ बर्षीय खुशीलाल ठाकुर घाइते भएका हुन्। घाइते ठाकुरको टाउकोमा ३ वटा टाका लागेको छ। उनको उपचार कर्जन्हास्थित फूलकुमारी महतो मेमोरियल अस्पतालमा भैरहेको छ।