यादव एक महिनादेखि लहान–१ स्थित ससुराली घरमा बस्दै आएको पारिवारिक स्रोतलाई उद्धृत गर्दै थापाले बताए । यादवको अपहरण त्यही कारणले भएको हुनसक्ने आशंकासहित खोजी भइरहेको उनले सुनाए । अपहरणस्थल लहानको चल्तीको चोक र नजिकै तरकारी बजार भएकोले त्यहाँ अबेर रातिसम्म मानिसको चहलपहल भइरहन्छ । इलाका प्रहरी कार्यालयबाट करिब पाँच सय मिटर पश्चिम र जिल्ला ट्राफिक प्रहरी कार्यालयबाट पनि त्यही दूरीमा पर्छ अपहरणस्थल । घटनाको विस्तृत जानकारी प्राप्त भइसकेको छैन ।