नेपाल र भारतका व्यापारीहरुबीच झगडा हुँदा शनिबार पूर्वी नाका काकरभिट्टा केहि समय बन्द भएको छ ।भारतका विकास र संजीव दुई व्यापारीसंग केहि दिनअघि मेचीनगर ६ का व्यापारी कुमार पोखरेलको झगडालाई लिएर नाका ठप्प भएको हो ।जिल्ला प्रहरी कार्यालय झापाका डिएसपी जितेन्द्र बस्नेतका अनुसार केहि दिनअघि दुई व्यापारीबीच झापाको इट्टाभट्टामा विवाद भएको थियो ।यही घटनालाई लिएर शनिबार भारतका व्यापारीले एक घण्टा नाकामा अवरोध पुर्याएका हुन् ।पछी दुवैतर्फका प्रहरीको सक्रियतामा नाका खुलाइएको डीएसपी बस्नेतले बताए । मेचीनगरका व्यवसायी पोखरेलले व्यावसायिक लेनदेनको विषयलाई लिएर बिहिबार विकास र संजिवलाई कुटेका थिए ।भारतीय पक्षले भने कुटपिटको विषयमा इलाका प्रहरी कार्यालय काकरभिट्टामा निवेदन दिंदा लिन नमानेपछि बन्द गरिएको बताएको छ ।