पूर्वी नवलपरासीको गैंडाकोट नगरपालिकामा मंगलबार जनप्रतिनिधिहरुले नै तालाबन्दी गरिदिएका छन् । गैंडाकोट नगरप्रमुखले बजेट अपारदर्शी र निर्णयबिना एकलौटी वितरण गरेको भन्दै उनीहरुले नगरपालिकामा तालाबन्दी गरेका हुन् ।नगरपालिकामा आएको २०७४/०७५ को बजेटमध्ये खन्दै दुई करोडमाथिको रकम कार्यपालिकाम निर्णय नै नगराई नगरप्रमुख छत्रराज पौडेलले एकलौटी वितरण गरेको र सोको हिसाब माग्दा नदीइएपछी उपप्रमुख विष्णुकुमारी कँडेल सापकोटा, वडा अद्यक्षहरु र नेपाली कांग्रेस गैँडाकोटले मंगलबार प्रमुख प्रशासकीय अधिकृत राम प्रसाद आचार्यको कार्यकक्षमा तालाबन्दी गरेको कांग्रेस नगर सचिव मुकुन्द पौडेलले बताए ।