वेशीसहर नपा–७ स्थित जनविकास उच्च माध्यामिक विद्यालयका प्रधानाध्यापक ४५ वर्षीय रत्नमान श्रेष्ठलाई कार्यकक्षमै हातपात गरेको आरोपमा प्रहरीले सोही विद्यालयका शिक्षक ३३ वर्षीय दिपेन्द्र रावल, ४१ वर्षीय शिवराज अधिकारी र ४२ वर्षीय बद्रीप्रसाद पौडेललाई असोज २४ गते गिरफ्तार गरेको छ । विद्यालयका करार शिक्षक दिपेन्द्र रावलको सेवा सुविधाका बारेमा विवाद हुँदा असोज २३ गते आफूमाथि कुटपिट भएको प्र्रधानाध्यापक श्रेष्ठको आरोप छ । शिक्षक रावलसँग विवाद हुँदैगर्दा अन्य दुईजना शिक्षक समेत आएर आफूमाथि कुटपिट गरेको पीडितले बताए । घटनापछि गिरफ्तार गरिएका आरोपित शिक्षकहरूलाई हिरासतमा राखी अनुसन्धान गरिरहेको जिल्ला प्रहरी कार्यालय, लमजुङका डिएसपी यादव ढकालले जानकारी दिएका छन् ।