आफ्ना कार्यकर्ताको हत्याको विरोध गर्दै नेपाली काँग्रेसले शनिबार बेलुकी सर्लाहीमा मसाल जुलुश प्रदर्शन गरेको छ । गत बिहिबार सर्लाहीको रामनगर गाउँपालिकाको बोहरवा गाउँमा नेकपा कार्यकर्ता र नेपाली काँग्रेसका कार्यकर्ताहरु बीच भएको झडपको क्रममा गोली चल्दा ७ जना काँग्रेस कार्यकर्ता घाइते हुनुका साथै एक जनाको मृत्यु भएको थियो । घटनामा संलग्नहरुलाई कारवाही गर्न सरकार उदासिन बनेको भन्दै नेपाली काँग्रेस कार्यकर्ताले शनिबार मसाल जुलुश प्रदर्शन गरेको हो । यसै गरी नेपाली काँग्रेस कार्यकर्ताहरुले आइतबार सर्लाहीमा बन्दको आवहान गरेको छ ।