जिल्लाको गोठीचौर गाउँपालिकाको कार्यालयमा तोडफोड गरी कम्प्यूटर इलेक्ट्रोनिक सामाग्रीहरु नष्ट गरिएको छ । कार्यालय भित्रको लाखौँका सामग्री नष्ट भएको प्रमुख प्रशासकीय अधिकृत केशवप्रसाद शर्माले बताए । उनले भने ‘गाउँपालिका आगजनी गर्न प्रयास गरिएको देखिन्छ । कागजहरु केही जलाएका छन् ।’

यसैगरी गाउँपालिकामा जडान गरिएको सीसी क्यामरा चुँडेर फालिएको छ । घटनास्थलको वास्तविक अवस्था बुझ्न आफू गोठचौर पुगेको प्रहरी नायव उपरीक्षक सिताराम रिजालले बताए । घटनाको विवरणसहित अनुसन्धान सुरु गरिएको निमित्त प्रमुख जिल्ला अधिकारी टेकबहादुर बुढ्थापाले बताए ।