बाराको आदर्श कोतवाल–८ बेलवा डिह मेलामा गएराति एकजना युवक मृत फेला परेको छ । सिम्रौनगढ नगरपालिका–१० देवापुरटेटा घर भएका ३० वर्षीय इनरदेव यादव मृत फेला परेका हुन् । राति नाच हेर्न गएका यादव शनिवार बिहान मृत भेटिएको प्रहरीले बताएको छ । मेला हेर्न गएका व्यक्ति आज बिहान मृत फेला परेपछि हत्या भएको आशङ्का गरिएको छ । यादव मृत अवस्थामा भेटिएकोे मेला समितिले प्रहरीलाई जानकारी गराएको थियो । घटनाबारे प्रहरीले अनुसन्धान गरिरहेको जनाएको छ । शवलाई शल्यपरीक्षणको लागि नारायणी उपक्षेत्रीय अस्पताल वीरगंज पु¥याइएको छ ।