कन्चनपुरको भीमदत्त नगरपालिका-२ उल्टाखामकी निर्मला पन्तको हत्यारा पक्राउ गर्न माग गर्दै नेविसंघले गरेको महेन्द्रनगर बजार बन्द अराजक भएको छ । नेविसंघका कार्यकर्ताले बन्दका क्रममा रिपोर्टिंग गर्न गएका पत्रकारमाथि  हातपात गर्नुका साथी जिल्ला सरकारी वकिल कार्यालयमा तोडफोड समेत गरेका छन् ।

बन्दका क्रममा नेविसंघका कार्यकर्ताले सरकारी वकिल कार्यालयका चारजना कर्मचारीमाथि पनि हातपात  गरेका छन् । उक्त क्रममा तोडफोडको भिडियो खिच्दै गरेका एमटीएम टेलिभिजनका रिपोर्टर  चन्द्रकान्ता जोशीमाथि हातपात गर्नुका साथी उनको क्यामरा समेत फुटाईदिएका छन् । पत्रकार जोशीमाथि भएको दुर्व्यवहार र आक्रमणप्रति नेपाल पत्रकार महासंघ जिल्ला शाखा कंचनपुरले खेद ब्यक्त गरेको छ  ।