खड्क नगरपालिका-१ सिश्वाबेल्हि बस्ने ४५ वर्षीया महिलालाई बोक्सीको आरोपमा अभद्र व्यवहार गरेको अभियोगमा सोही ठाउँ बस्ने ३ जनालाई शनिबार बेलुका प्रहरीले पक्राउ गरेको छ ।

पक्राउ पर्नेहरुमा सोही ठाउँ बस्ने १८ वर्षीय सुनिल राम, ५५ वर्षीय रुपनारायण राम र ३५ वर्षीया अहिल्या देवी रहेको छन् । ती महिलालाई बोक्सीको आरोप लगाई स्थानीयबासीले अभद्र व्यवहार गरेको भन्ने खबर प्राप्त हुनासाथै खटिएको प्रहरीले उनीहरुलाई पक्राउ गरी यस सम्बन्धमा आवश्यक अनुसन्धान गरिरहेको छ ।