पर्साको बहुदरमाई नगरपालिका वडा नम्बर ७ विश्रामपुरमा वडा सदस्यको कुटाईबाट एक वृद्धा सहित दुई जना घाईते भएका छन्।

वडा सदस्य कुदिश देवान, उनका छोरा रामुल्लाह देवान र श्रीमती मोफायजा खातुन मिलि छिमेकी २६ वर्षीय श्यामा खातुन र ६२ वर्षीय श्रीपति खातुनलाई कुटपिट गरेको प्रहरी चौकी वहुअर्वाभाठाले जनाएको छ। वडा सदस्य देवानले पिडित श्रीपति खातुन र श्यामा खातुनसंग लिएको ५ लाख ४३ हजार रकम मध्ये देवानले आइतबार ५ लाख मात्रै फिर्ता गरि ४३ हजार रुपैया कम दिएकोमा आफुले लिन नमानेकोले कुटपिट गरेको पिडित श्रीपति खातुनले बताईन।