2018-05-28
Province 1, Sunsari, Barju, Ward 6
दाइजोमा मोटरसाइकल नल्याएको आरोपमा २२ वर्षीया हसबुल खातुनलाई उनको परिवारले सात महिनाअघि घरबाट निकाला गरी दिएपछि आफू विचल्लिमा परेको पीडितले गुनासो गरेकी छिन् ।
भारतको अररीया जिल्ला पतराहा ग्राम पञ्चायतबाट बर्जु गाँउपालिका–६ मा चार वर्षअघि विवाह गरी ल्याइएकी पीडितले घरपरिवारले दाइजोमा मोटरसाइकल नल्याएको आरोपमा घरबाट निकाला गरेको आरोप लगाइन् ।
उनले मुस्लिम परम्परा अनुसार विवाह गरेको र विवाह अघि ६० हजार रुपियाँ नगद र २ लाख रुपियाँ बराबरको जिन्सी सामान माग बमोजिम दिएपनि सात महिनाअघि मोटरसाइकल ल्याउन दबाब दिँदै २४ वर्षीया पति रियाज अन्सारी, ४४ वर्षीया सासू हरिला खातुन, ४६ वर्षीया ससुरा मुसा अन्सारी र २७ वर्षीया जेठानी सुविदा खातुनले घरबाट निकाला गरेको गुनासो गरिन् ।
शर्त अनुसार सबै कुरा दिएर विवाह गरेको भएपनि मोटरसाइकल ल्याउन दबाब दिँदै छोरीलाई घरपरिवारले निकाला गरीदिएको पीडितका बावु तैयुब मियाँले बताए ।
पीडितले उनका बावुलाई घरपरिवारले मोटरसाइकलको माग गरेको बताएपछि पीडितका बावुले दिन नसक्ने भनी जबाफ दिएका थिए ।
सात महिनायता माइतीमा बस्दै आएकी छोरी मानसिक रूपमा विक्षिप्त बनेको बावु तैयुव मियाँले बताए ।
छोरीको अवस्था नाजुक भएकाले पटक–पटक गाँउघरमा पञ्चायत बसी समस्या समाधानका लागि प्रयास गरेपनि सफल नभएको पीडितका बावुले बताए ।
उनले पञ्चायत बस्दा छोरीका परिवारले सहमति जनाउने र सोही दिनबाट फेरि शारीरिक यातना दिनुका साथै मानसिक तनाब दिने गरेको बताए ।
समस्या समाधानका लागि प्रहरीमा उजुरी दिएपनि प्रहरीले मिलापत्र गरी पठाउने भएकाले छोरीले न्याय पाउन नसकेको तैयुब मियाको भनाई छ ।
एक वर्ष अघिदेखि रोजगारीका क्रममा पति कतारमा रहेका कारण सम्बन्ध विच्छेद गर्न नसकिएको पीडितको भनाई छ ।
पीडित खातुनले न्यायका लागि स्थानीय सरकार, प्रशासन र मानव अधिकारकर्मीलाई आग्रह गरेकी छिन् ।
Violent / Non-violent | Nonviolent |
Primary Form | Banishment/shunning |
Primary Cause | Related to disputes over dowry |
Actor 1 - Number of people | 4 |
Actor 1 - Affiliations | Family/relative |
Actor 1 - Youth | youth |
Actor 2 - Number of people | 1 |
Actor 2 - Affiliation (Target) | Family/relative |
Actor 2 - Youth | youth |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
COCAP BIWEEKLY: INCIDENTS SURROUNDING COVID-19 MARCH 1 - 15, 2021
March 25, 2021
GBV / Governance / Covid-19