३४ वर्षीया महिलालाई बलात्कार गरेको आरोपमा प्रहरीले ४१ वर्षीय पतिलाई पुस २४ गते गिरफ्तार गरेको छ ।

पीडित महिलालाई आरोपितले पुस २३ गते इच्छा विपरीत बलात्कार गरेको भन्दै पीडित महिलाले सोही दिन जिल्ला प्रहरी कार्यालयमा उजुरी दिएकी थिइन् ।

पीडित महिलाको उजुरीका आधारमा आरोपितलाई अनुसन्धानका लागि गिरफ्तार गरिएको जिल्ला प्रहरी कार्यालयका सई माधवप्रसाद भण्डारीले बताए ।

पीडित महिलाको स्वास्थ्य परीक्षण पुस २३ गते नै जिल्ला अस्पतालमा गरिएको प्रहरीले जनाएको छ ।

नारायण पराजुली