२५ वर्षीया महिलाले शुक्लागण्डकी नपा–८ का वडा अध्यक्ष ३० वर्षीय कृष्णप्रसाद रेग्मीले बलात्कार गरेको भन्दै उनीविरूद्ध इलाका प्रहरी कार्यालय, बेलचौतारामा उजुरी दर्ता गराएकी छिन् ।

पीडित महिलालाई आरोपित रेग्मीले पटकपटक बलात्कार गरेको भन्दै मङ्सिर ६ गते न्यायका लागि उजुरी दर्ता गरेको पीडितले बताएकी छन् ।

इलाका प्रहरी चकार्यालय, बेलचौताराका इन्स्पेक्टर श्रवणकुमार बिकले वडा अध्यक्ष विरूद्ध बलात्कार गरेको आरोपमा उजुरी दर्ता भएको जानकारी दिँदै घटनाको अनुसन्धान गरिरहेको बताए । घटनाका आरोपित रेग्मी फरार रहेकोले खोजी कार्य जारी रहेको प्रहरीले जनाएको छ ।

पीडित महिलाले न्यायका लागि आग्रह गर्दै मङ्सिर ४ गते शुक्लागण्डकी नगरपालिकास्थित न्यायिक समितिमा उजुरी दिएकी थिइन् । न्यायिक समितिले बलात्कारको मुद्दा समितिको कार्यक्षेत्रमा नपर्ने भन्दै उजुरी छानविनका लागि प्रहरीमा पठाएको थियो ।

पीडित महिलाको स्वास्थ परीक्षण मङ्सिर ६ गते नै जिल्ला अस्पताल दमौलीमा गरिएको जिल्ला प्रहरी कार्यालय, तनहुँका एसपी सिद्धिविक्रम शाहले जानकारी दिए ।

प्रकाशचन्द्र भट्टराई