प्रतापपुर गाउँपालिका–६ गुठिप्रसौनी निवासी २३ वर्षीया पुनम गौडलाई २४ वर्षीय पति ज्ञानेन्द्र गौड र ४५ वर्षीय ससुरा अशोक गौडले कुटपिट गरी गम्भीर घाइते बनाएको भन्दै पीडित महिलाले जिल्ला प्रहरी कार्यालयमा उजुरी दिएकी छन् ।

पीडित महिलालाई आरोपितले विभिन्न आरोप र नैतिकता माथि समेत आँच आउने खालका क्रियाकलाप गरी अपमान गर्नुको साथै चक्कु प्रहार गरी घाइते बनाएको भन्दै माघ २८ गते जिल्ला प्रहरी कार्यालयमा उजुरी दिएकी हुन् ।

पहिले पनि यस्तै घटना भई जिल्ला प्रहरी कार्यालयमै मिलापत्र गरेको भएपछि घरमा गएकोमा घरमा गएको भोलिपल्टै माघ २७ गते घटना भएपछि उजुरी दिन जिल्ला प्रहरी कार्यालय आएको पीडितले बताएकी छन् ।

पीडितले स्थानीय मेडिकलमा उपचार गराएको र आरोपितलाई उचित कारवाहीको माग गर्दै उक्त निवेदन दिएको बताएकी छन् ।

परिवारले नागरिकता र विवाह दर्ता नगराएको कारण दुई छोराछोरीको समेत जन्म दर्ता गराउन नपाएको पीडितले बताएकी छन् ।

नारायण पराजुली