हेटौंडामा मादकपदार्थ सेवन गरी प्रहरीलाई कुटपिट गर्ने ३ जनालाई मकवानपुर प्रहरीले पक्राउ गरेको छ। पक्राउ पर्नेमा मकवानपुर सिस्नेरीका साइकल बल, दीपेन्द्र बल र काभ्रे घर भएका छेवन लामा रहेको जिल्ला प्रहरी कार्यालय मकवानपुरल जनाएको छ। बुधबार राति मादकपदार्थ सेवन गरी प्रहरी चेकपोष्ट सिस्नेरीमा कार्यरत् २ प्रहरी जवानलाई कुटपिट गर्ने ३ युवालाई इलाका प्रहरी कार्यालय सिस्नेरीले पक्राउ गरेको हो। मादकपदार्थ सेवा गरी एकापसमा झगडा गरिरहेका ३ जनालाई सम्झाउन जाँदा उनीहरुले प्रहरीलाई नै कुटपिट गरेको प्रहरीले जनाएको छ। उनीहरुको कुटाइबाट प्रहरी जवान कृष्णबहादुर नेपाली र देवीलाल ठाकुर घाइते भएका छन् । जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक यज्ञप्रसाद भट्टराईले प्रहरीलाई कुटपिट गर्ने यवाहरुमाथि आवश्यक कारबाही प्रक्रिया अघि बढाइएको बताए।