संखुवासभाको खाँदबारी नगरपालिका-३ मा आफ्नै श्रीमतीलाई धारिलो हतियार प्रहार गर्ने श्रीमान्लाई प्रहरीले पक्राउ गरेको छ।  मादकपदार्थ सेवन गरी धरायसी विवाद हुँदा सोही स्थानमा डेरा गरी बस्ने ३८ वर्षीय धूब विकले आफ्नै श्रीमती ३२ वर्षीय अञ्जना विकलाई धारिलो हतियार खुकुरी र चक्कु प्रहार गरेका थिए । | हतियार प्रहारबाट शरीरको बिभिन्न भागमा चोट लागेर घाइते भएकी वि क लाई उपचारको लागि जिल्ला अस्पतला खाँदवारी पठाइएको छ ।  

घटनास्थलमा तत्काल जिल्ला प्रहरी कायलिय संखुवासभाबाट गएको प्रहरीको टोलीले हतियार प्रहार गर्ने धृव विकलाई नियन्त्रणमा लिएर खुकुरी र चक्कु समेत बरामद गरेको छ । घटना सम्बन्धमा थप अनुसन्धान भइरहेको जिल्ला प्रहरी कार्यालय संखुवासभाले जनाएको छ ।