धनुषा, ५ चैतछिमेकीलाई कुटपिट गरेको अभियोगमा जनकपुर उपमहानगरपालिका-८ बस्ने २७ बर्षीय शत्रुधन राउत कुर्मीलाई सोमबार प्रहरीले पक्राउ गरेको छ । मादक पदार्थ सेवन गरी उनले सोही स्थान बस्ने ५० वर्षीय रामविलाश राउत कुर्मीलाई काठको चिर्पटले टाउकोमा प्रहार गरी कुटपिट समेत गरेका थिए । कुटपिटबाट घाइते भएका रामविलाशको ओम दिर्घायू अस्पताल जनकपुरमा उपचार भइरहेको छ । यस सम्बन्धमा प्रहरीले आवश्यक अनुसन्धान गरिरहेको छ ।