नेत्रविक्रम चन्द (विप्लव) नेतृत्वको नेकपालाई समर्थन गरेको आरोपमा जिल्ला प्रहरी कार्यालय कालिकोटबाट खटिएको प्रहरी टोलीले चैत ७ गते एक पत्रकार सहित दुई जनालाई गिरफ्तार गरेको छ ।

गिरफ्तार हुनेमा रास्कोट नपा–८ बस्ने रेडियो नयाँ कर्णालीमा कार्यरत २७ वर्षीय पत्रकार कर्ण विश्वकर्मा र तिलागुफा नपा–४ बस्ने २९ वर्षीय भरत शाही रहेको जिल्ला प्रहरी कार्यालय, कालिकोटका डिएसपी विनोद शर्माले जानकारी दिए ।

जनपत्रकार सङ्घका जिल्ला अध्यक्ष समेत रहेका विश्वकर्मालाई प्रहरीले रेडियो नयाँ कर्णालीको कार्यकक्षबाटै गिरफ्तार गरेको थियो ।

यस्तै शाहीलाई प्रहरीले जिल्ला सदरमुकाम मान्म खाँडाचक्र स्थित जिरोप्वाइन्टवाट गिरफ्तार गरेको प्रहरीले जनाएको छ ।

पत्रकार विश्वकर्माले विप्लव नेतृत्वको नेकपाका समाचारहरू प्रशारण गरेको र शाही सो पार्टीको गतिविधिमा संलग्न रहेकाले गिरफ्तार गरिएको प्रहरीले जनाएको छ ।

कालीबहादुर मल्ल