2019-03-29
Province 1, Sunsari, Dharan
सुनसरीको धरानस्थित वीपी कोइराला स्वास्थ्य विज्ञान प्रतिष्ठानमा प्रहरीको निगरानीमा उपचाररत्त भनिएको ३३ वर्षीय नवराज भट्टराई प्रतिबन्धित नेकपाका विप्लवका कार्यकर्ता भएको खुलेको छ ।
नेकपाले प्रहरीले उपचार गरिरहेको भट्टराई आफ्नो सदस्य भएको र प्रहरीले नै घाइते बनाएको दावी गरेको छ ।
भोजपुर जिल्ला, षडानन्द गाउँपालिका–११ देउराली घर भएका भट्टराईलाई मोरङको बेलबारीमा गिरफ्तार गर्न खोज्दा भागेकाले प्रहरीको भ्यानले ठोकेर नियन्त्रणमा लिएको पीडितले बताए ।
प्रहरीले भ्यानले ठक्कर दिएर दुर्घटनामा पारी गम्भीर घाइते भई मोरंगको सुन्दर हरैंचामा बेवारिसे अवस्थामा भेटिएको भनेर झुठो प्रचार गरेको पीडित पक्षको आरोप छ ।
वीपी कोइराला स्वास्थ्य विज्ञान प्रतिष्ठान धरानमा आइसियूमा राखेर पीडितको उपचार भइरहेको प्रहरीले जनाएको छ ।
आकस्मिक कक्षमा रहेको प्रतिष्ठान प्रहरीको रेकर्डमा दुर्घटनामा परेको भनेर मात्रै उल्लेख गरिएको छ ।
तर, कुन सवारी साधान, नम्बर केही उल्लेख गरिएको छैन । प्रहरीले भने यस विषयमा केही प्रतिक्रिया दिएको छैन ।
इलाका प्रहरी कार्यालय धरानका डिएसपी समुनकुमार तिमल्सिनाले घाइतेको उपचार आइसियूमा राखेर गरिरहेको बताए ।
‘टाउकोमा गम्भीर चोट लागेको छ । बेलबारी प्रहरीले घाइतेको उपचार हुनु पर्छ भनेको छ । उनको उपचार गर्दैछौँ अरु मलाई केही थाहा छैन ।’–डिएसपी तिमल्सिनाले भने ।
जिल्ला प्रहरी कार्यालय सुनसरीका डिएसपी ज्ञानेन्द्रप्रसाद फुयालले भने घटनाको बारेमा थाहा नभएको र केही भए बुझ्ने प्रतिक्रिया दिए ।
जयकृष्ण यादव
Violent / Non-violent | Nonviolent |
Primary Form | Arrest (politically significant) |
Primary Cause | Other political issues |
Actor 1 - Number of people | 1 |
Actor 1 - Affiliations | CPN (Chand) and affiliated org |
Actor 1 - Youth | unknown |
Actor 2 - Number of people | n/a |
Actor 2 - Affiliation (Target) | Government and civil servants at central level |
Actor 2 - Youth | na |