१२ वर्षीया बालिकालाई यौन दुर्व्यवहार गरेको आरोपमा प्रहरीले बुटवल उपमहानपा–१४ का ३२ वर्षीय प्रकाश सापकोटालाई चैत १५ गते मोतिपुरबाट गिरफ्तार गरेको छ ।

पीडित बालिकालाई आरोपितले चैत १४ गते साँझ घरमा कोही नभएको मौका छोपी यौन दुर्व्यवहार गरेको भनी पीडित बालिकाकी आमाले चैत १५ गते इलाका प्रहरी कार्यालय बुटवलमा उजुरी दिएकी थिइन् ।

पीडित बालिकाकी आमाले दिएको उजुरीका आधारमा प्रहरीले कारवाही अगाडि बढाएको इलाका प्रहरी कार्यालय बुटवलका डिएसपी डिलबहादुर मल्लले बताए ।

पीडित बालिकाको स्वास्थ्य परीक्षण चैत १५ गते लुम्बिनी प्रादेशिक अस्पताल बुटवलमा गरिएको प्रहरीले जनायो ।

रीमा विसी