2018-11-01
विपल्व समूहको नाउँमा चन्दा उठाइरहेका दुई जनालाई जनकपुरबाट प्रहरीले पक्राउ गरेको छ।
बिहीवार दिउँसो डेढ बजे जनकपुर उपमहानगरपालिका-७ बाट प्रहरीले उनीहरुलाई पक्राउ गरेको हो । पक्राउ पर्नेमा महोत्तरी बर्दिवास नगरपालिका-२ बस्ने ३२ वर्षीय अमर क्षेत्री र लमजुङ सुन्दरबजार नगरपालिका-१ भोटेओढार बस्ने ४० वर्षीय राजु कार्की रहेको जिल्ला प्रहरी कार्यालय धनुषाले जनाएको छ। केही व्यक्तिहरु विप्लव समूहको नाउँमा चन्दा उठाइरहेको जानकारी प्राप्त भएपछि जिल्ला प्रहरी कार्यालयबाट गएको टोलीले क्षेत्री र कार्कीलाई पक्राउ गरेको जिल्ला प्रहरी कार्यालय धनुषाका प्रवक्ता एवं डीएसपी प्रवीण शाहीले जानकारी दिएका छन् । उनीहरुको साथबाट बा ३६ प ९८२ नम्बर को मोटरसाइकल, विभिन्न किसिमका दस्तावेज, चन्दा रसिदलगायतका सामान बरामद भएको प्रहरीले जनाएको छ । पक्राउ परेका दुबैजनाको सम्बन्धमा थप अनुसन्धान भइरहेको डीएसपी शाहीले बताए।
Violent / Non-violent | Nonviolent |
Primary Form | Arrest (politically significant) |
Primary Cause | Other political issues |
Actor 1 - Number of people | 2 |
Actor 1 - Affiliations | CPN (Chand) and affiliated org |
Actor 1 - Youth | unknown |
Actor 2 - Number of people | n/a |
Actor 2 - Affiliation (Target) | Government and civil servants at central level |
Actor 2 - Youth | na |