वौद्घिक अपाङ्गता भएकी १६ वर्षीया बालिकालाई हाडनाता करणी गरेको आरोपमा प्रहरीले चैत २० गते तीन जना आरोपितलाई गिरफ्तार गरेको छ ।

पीडित बालिकालाई आरोपितहरुले ०७५ जेठदेखि चैत सम्म पटकपटक बलात्कार गरेको र अन्तिम पटक चैत १८ गते बलात्कार गरेको आरोपमा पीडित पक्षले चैत २० गते जिल्ला प्रहरी कार्यालयमा उजुरी दिएपछि आरोपितहरुलाई गिरफ्तार गरिएको डिएसपी सञ्जयसिंह थापाले बताए ।

पीडित पक्षको उजुरीका आधारमा आठराई त्रिवेणी गाँउपालिकाका ३१ वर्षीय र २९ वर्षीय दाजुद्वयसहित ४० वर्षीय छिमेकीलाई गिरफ्तार गरिएको डिएसपी थापाको भनाई छ । पीडित बालिकाको स्वास्थ्य परीक्षण जिल्ला अस्पतालमा चैत २० गते गरिएको छ ।

देवराज गुरुङ