खुकुरी प्रहार गरी पत्नी र छोरीलाई घाइते बनाएको आरोपमा इटहरी उपमहानगरपालिका-२० का ४७ वर्षीय सोमबहादुर राईलाई प्रहरीले गिरफ्तार गरेको छ । चैत १९ गते मादक पदार्थ सेवन गरी ३५ वर्षीया पत्नी कृष्णकुमारी राई र २१ वर्षीया छोरी सुनीतालाई खुकुरी प्रहार गरी घाइते बनाएपछि आरोपितलाई गिरफ्तार गरिएको इलाका प्रहरी कार्यालय, इटहरीका इन्स्पेक्टर वुद्घि चौलागाइँले बताए ।

हात र घाँटीमा गम्भीर चोट लागेको जिल्ला अस्पताल इनरुवामा उपचार भइरहेको छ । आरोपितमाथि ज्यान मार्ने उद्योग शीर्षकमा मुद्दा दर्ता गरी कारबाही अघि बढाइने प्रहरीले जनाएको छ ।

जयकृष्ण यादव