2019-04-26
Province 1, Morang, Biratnagar, Ward 11
मोरङको सुन्दरहरैंचा नगरपालिका–११ मा बोक्सा बोक्सीको आरोपमा एक वृद्ध दम्पत्तिमाथि निर्घात कुटपिट भएको छ। बोक्सा बोक्सीको आरोपमा ६० वर्षे वृद्ध र बोक्सीको आरोपमा उनकी श्रीमतीमाथि एउटै परिवारका चार सदस्यले निर्घात कुटपिट गरेका छन्।
लाट्ठी, लात र मुड्कीले निर्घात कुटपिट गर्दा दुबै जना घाइते भएका छन्। घटनापछि दुबैलाई उपचारका लागि नोबेल अस्पताल बेलबारीमा भर्ना गरिएको थियो। तर, नोबेलमा उपचार सम्भव नभएपछि श्रीमतीलाई विराटनगरको कोसी अस्पताल ल्याएर थप उपचार सुरु गरिएको छ।
उक्त दम्पत्ति घरमा एक्लै बस्दै आएको थियो। प्रहरीका अनुसार आक्रमणबाट घाइते भएकी वृद्धा मानसिक रुपमा पनि विक्षिप्त बनेकी छन्। वृद्ध–वृद्धामाथि सुन्दरहरैंचा–११ धाती टोल बस्ने ६३ वर्षे टुनका खवास, ३५ वर्षे श्यामलाल खवास, ३१ वर्षे रामकुमार खवास र ३० वर्षे शशिकला खवासले सामूहिक रुपमा आक्रमण गरेको मोरङ प्रहरी प्रमुख एसपी मनोजकुमार केसीले जानकारी दिए।
प्रहरीका अनुसार श्यामलाल र रामकुमार टुनकाका छोरा हुन्। शशिकला टुनकाकी बुहारी र श्यामलालकी श्रीमती हुन्। उनी गाउँ घरमा धामी झाक्रीको काम गर्ने महिला पनि भएको जानकारी प्रहरीले दिएको छ। घटनाका पीडित र पीडकको घर लगभग तीन सय मिटर वरपर रहेको प्रहरीको भनाइ छ।
प्रहरीका अनुसार घरमा परिवारका सदस्य पालैपालो बिरामी भइरहने भएपछि झरफुकका लागि भन्दै टुनकाको घरमा उनकै बुहारी शशिकला धामी (चिन्ता) बसेकी थिइन। चिन्ता बस्ने क्रममा शशिकलाले वृद्ध दम्पत्ति बोक्सा बोक्सी रहेको बताएपछि परिवारका सबै सदस्य धुरिएर बुधबार विहान साढे १ बजे आक्रमण गरेको एसपी केसीको भनाइ छ।
परिवारका चारै सदस्य मिलेर घरमै पुगेर सुतिरहेका उनीहरुलाई ढोका खोलेर बाहिर निस्कन लगाएर निर्घात कुटपिट गरिएको जानकारी उनले दिए। ‘श्रीमान र श्रीमती बोक्सा, बोक्सी रहेको र उनीहरुले नै कहिल्यै निको नहुने गरी टुनामुना गरिदिएका कारण पालैपालो बिरामी भइरहने कुरा चिन्ता बस्ने क्रममा शशिकलाले बकेपछि घटना सुरु भएको प्रारम्भिक अनुसन्धानका क्रममा खुलेको छ’ केसीले भने।
Violent / Non-violent | Violent |
Onesided / Twosided | Onesided |
Collective / Interpersonal | Interpersonal |
Primary Form | Assault (small group) |
Weapons | None |
Primary Cause | Extra-judicial response on basis of witchcraft allegations |
Actor 1 - Number of people | 4 |
Actor 1 - Affiliations | Citizen/Individuals |
Actor 1 - Youth | noyouth |
Actor 2 - Number of people | 2 |
Actor 2 - Affiliation (Target) | Citizen/Individuals |
Actor 2 - Youth | youth |
Total Injured | 2 |
Female Injured | 1 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD
The Nepal Peace Monitor Annual Review: 2019
May 24, 2020
GBV / Political / Dalit / Human Rights / Interpersonal Violence / Governance