शारदा नगरपालिका–१४ ढारखानी घर भई शिद्दकुमाख गाउँपालिका–३ ढोरचौर बस्ने २७ वर्षीया सुनिता बुढाथोकी घर्तीलाई कुटपिट गरेको आरोपमा प्रहरीले ३५ वर्षीय पति किसन घर्ती मगरलाई जेठ ५ गते गिरफ्तार गरेको छ ।

पीडित महिलालाई आरोपितले जेठ ४ गते राति मात्रै तीन पटक कुटपिट गरेको र बल्लतल्ल भाग्न सफल भएको बताउँदै उनले न्याय खोज्दै खलङ्गा आएको बताइन् ।

पतिले ‘सम्बन्ध विच्छेद गर्न जा’ भनेको नमानेकाले कुटपिट गरेको पीडितले बताएकी छन् । पीडित बुढाथोकीले इन्सेकको सहयोगमा जिल्ला अदालतमा गई न्यायका लागि प्रकृया अगाडि बढाएकी छन् ।

कुटपिट पछि पतिले डेढ वर्षीय छोरालाई समेत खोसेर राखेकोमा इन्सेकको पहल र प्रहरीको सहयोगमा छोरालाई समेत अहिले आमासँगै राखिएको छ । पीडित आमाछोरालाई जिल्लास्थित सुरक्षित आवास गृहमा राखिएको छ ।

मीना बुढाथोकी