सिन्धुलीको दुधौली नगरपालिका स्थित खोरभञ्याङमा फेला परेको शंकास्पद वस्तु नक्कली बम भएको प्रहरीले जनाएको छ। निमार्णाधिन मदन भण्डारी राजमार्गको सिन्धुली दुधौलीस्थित पुर्वीखण्डमा खोरभन्ञ्याङमा सकेट बमजस्तो देखिने शंकास्पद वस्तु सकेट बम जस्तो देखिने नक्कली ‘होक्स’ भएको पुष्टि भएको जिल्ला प्रहरी कार्यालय सिन्धुलीका प्रमुख प्रहरी उपरिक्षक चक्रबहादुर सिंहले जानकारी दिए ।

दुईवटा सकेट बमजस्ता देखिने शंकास्पद वस्तुमा रातो कालो तार जोडिएको र बन्द सफल पारौं जस्ता लेखिएका पर्चा पनि भेटिएपछि प्रहरीले बम भएको आशंका गरेको थियो ।
नेपाली सेनाको बम डिस्पोजल टोलीले शंकास्पद वस्तुको डिस्पोज गर्दा नक्कली बम भएको पुष्टि भएको सिंहले जनाकारी दिए। शंकास्पद वस्तु भेटिएपछि मदन भण्डारी राजमार्ग अवरूद्ध भएको थियो।