अज्ञात पक्षले जेठ १२ गते राति धारिलो हतियार प्रहार गर्दा धरान उपमहानगरपालिका-१४ का २१ वर्षीय राजन थापा मगर घाइते भएका छन् ।

घाइते मगरको उपचार विपी कोइराला स्वास्थ्य विज्ञान प्रतिष्ठान (घोपा) धरानमा भइरहेको छ । अज्ञात पक्षको हतियार प्रहारबाट मगरको टाउकोमा चोट लागेको धरान उपमहानगरपालिका-१४ की वडा सदस्य शोभा पुलामीले बताइन् ।

आक्रमण कसले र किन गर्‍यो भन्ने विषयमा अनुसन्धान थालिएको र घटनामा संलग्नहरूको खोजी थालिएको एसपी राजन अधिकारीले बताए ।

जयकृष्ण यादव