१७ वर्षीया बालिकालाई रोजगारीको प्रलोभन देखाइ बन्धक बनाएर बलात्कार गरेको आरोपमा प्रहरीले प्रतापपुर गाउँपालिका-२ का २३ वर्षीय उत्तमकुमार हरिजनलाई जेठ १२ गिरफ्तार गरेको छ ।

आरोपितले ०७५ माघ २५ गतेदेखि ०७६ जेठ १२ गतेसम्म बन्धक बनाएर बलात्कार गरेको भन्दै पीडित पक्षले जेठ १२ गते जिल्ला प्रहरी कार्यालयमा उजुरी दिएका छन् ।

आरोपितलाई गिरफ्तार गरी मानव बेचबिखन तथा ओसारपसार र बलात्कार मुद्दा लगाइएको डिएसपी विरेन्द्र थापाले बताए । पीडित बालिकाको स्वास्थ्य परीक्षण जेठ १२ गते जिल्ला अस्पतालमा गरिएको प्रहरीले जनायो ।

नारायण पराजुली