सुर्खेतः नेकपा विप्लव समूहका कार्यकर्ताले मोटरसाइकलमा गोली प्रहार गरी आगजनी गरेका छन्। नेपाल बन्दको अवज्ञा गरेको भन्दै सुर्खेतको भेरीगंगा नगरपालिका छिन्चुबाट डुंगीखोला जाँदै गरेको भे ८ प १८९६ नम्बरको मोटरसाइकलमा आगो लगाएका हुन्।

६ जनाको समूहमा रहेका विप्लवका कार्यकर्ताले आफूलाई झारेर मोटरसाइकलको ट्यांकीमा गोली हानेको सवारीधनी टिकाराम मिजारले जानकारी दिए। 

तेल ट्यांकीमा गोली हानेपछि आगो लागेर मोटरसाइकल पूर्णरुपमा क्षति भएको मिजारले बताए। सोमबार बिहानै हतियारसहित आएका कार्यकर्ताले गोचखोलामा बसका चालक र धनीलाई ओरालेर आगो लगाएका थिए।