नेत्रविक्रम चन्द (विप्लव) नेतृत्वको नेकपा सम्बद्ध विद्यार्थी सङ्गठनका जिल्ला संयोजक कार्यकर्ता कलैया उपमहानगरपालिका-४ का २९ वर्षीय निरजकुमार साह र कोल्हवी नगर कमिटिका सदस्य कोल्हवी नगरपालिका-८ का ३१ वर्षीय काशिनाथ तिमल्सिनालाई जेठ १९ गते प्रहरीले गिरफ्तार गरेको छ ।

उनीहरूलाई निजगढ नगरपालिका-८ बुद्ध चोकबाट गिरफ्तार गरेको इलाका प्रहरी कार्यालय निजगढका प्रमुख इन्स्पेक्टर विक्रम लामाले बताए ।

चन्दा उठाउन प्रयोग गरिने रसिद, पार्टीको झण्डा, प्रचार पम्पलेट सहित उनीहरूलाई गिरफ्तार गरेको इन्स्पेक्टर लामाले बताए ।

उनीहरूले इलाका प्रहरी कार्यालय निजगढ बाट गस्तिमा खटेको प्रहरीलाई दुर्व्यवहार गरेको लामाले बताए ।

पार्टीमा संलग्न र प्रहरीलाई गालिगलौज र दुर्व्यवहार गरेको आरोपमा अनुसन्धान भइरहेको इन्स्पेक्टर लामाले बताए ।

भोलानाथ पौडेल