शिवराज नगरपालिका-८ बिसनपुर ४४ वर्षीय हिरालाल यादव समेत ३ जनालाई कुटपिट गरी घाइते बनाएको अभियोगमा सोही ठाउँ बस्ने ६० वर्षीय अलि बक्सलाई बुधबार बेलुका प्रहरीले पक्राउ गरेको छ ।आफ्नो खेतमा रहेको बालुवा निकालेको बिषयलाई लिएर भएको झैँझगडामा कुटपिट हुँदा ३ जना घाइते भएको खबर प्राप्त हुनासाथ वडा प्रहरी कार्यालय चन्द्रौटाबाट खटिएको प्रहरीले अलिबक्सलाई पक्राउ गरेको हो । घाइतेहरूलाई उपचारको लागि बुटवलतर्फ पठाइएको छ ।कुटपिटमा  संलग्न अन्य फरार व्यक्तिहरुको खोजी गर्नुका साथै यस सम्बन्धमा प्रहरीले थप अनुसन्धान गरिरहेको छ ।